Hoem Bygdelag » Leder

Besøk på Sør-Hoem

Leder — Tue, 17 Aug 2010 12:15:13 +0000

Kjell og Fanny har hatt besøk av slekt fra østlandet. Dei fikk oppleve en særdeles flott sommarkveld og har sendt oss dette flotte bildet av himmelen over Gyl og Trollheimen. Bildet ble tatt frå verandaen på Sør- Hoem 25/7.2010 av Per Oskar Skaugen.

Kinnaveien

Leder — Fri, 13 Aug 2010 19:58:10 +0000

Den 3 km lange grusveien sett frå Dumpen mot sør Seterhåjen, med toppen av Litle Reinsfjell rett fram.

Dugnadsarbeid på Kinnavegen i Hoemsdalen laurdag 31.12

Grusveien skulle, i nokre parti, forsterkast og løftast opp med eit lag grus frå grustaket på Hjellan. Seinare, når det laget har satt seg, skal Erling Olav Gagnat stråle på eit lag med god kjøpegrus, ca 5 lass. Grunneigarane håpa med det at veien vil tåle trafikk i ein større del av året.

Arbeidslaget samla rundt stuebordet i Nergarden, der Therese serverte god gammeldags kjøttsuppe med flatbrød til. Frå venstre og rundt bordet: Erling, Jon, Dagfinn, Einar, Magne, Therese, Gaute, Trond, Oddvar og Lars Olav. (foto, to siste: Mikkel)

St. Hans på Hoem

Leder — Thu, 24 Jun 2010 20:56:30 +0000

På kaia til Ingvill og Arne Johan

Bygdefolket samla i Hoemsbukta til sankthans-feiring i fint ver og blikkstille sjø, som vanlig. I bakgrunnen ved flytebrygga, Ingvill`s nyinnkjøpte robåt: en 4-bords Brubekkfæring bygd av Samuel Brubekk i 1936. Fin båt og god som ny, til 2000 kr.

Årsmøte på Bakketun torsdag 29. april kl. 20.30

Leder — Sun, 18 Apr 2010 09:35:40 +0000

Saker:

Vanlege årsmøtesaker

valg: ny formann + 1 styremedlem

overtaking av skulen

kaffepause med bakels og graut ++

Velkommen

Bak-fram kalving på Nylenda

Leder — Tue, 23 Mar 2010 07:16:09 +0000

Det var god fyr i peisen og endeleg laurdagskvelden heime. På stuebordet var det sett fram brus og pizza og NRK skulle straks sende siste episode av ”Med hjarte på rette staden” og vi gledde oss.
Plutselig og meget ubeleilig, for å sei det mildt, ringde det i mobilen. Men eg tok han då eg såg det var Erling som ringde: ”kan du kome ned i fjøsen og hjelpe å dra kalv? Eg har ringt dyrlegen på Eide fordi kalven i den fyrstegangsfødande kviga ligg med bakbeina først, men han kvia seg på å køyre den lange turen i snøkave. Har du ikkje nokon du kan spørje om hjelp?, sa han, så no spør eg deg.”
Eg svara ok og eg kjem med ein gong, men grua meg til å ver med på ein slik vanskeleg fødsel, det var lenge sidan sist, for meg.
Nede i fjøsen, bak kviga, stod bonden og Wenche og drog i reima som var slått rundt dei synlege bakfot-klauvene. ”Vi ventar litt” sa Erling medan han strauk og godsnakka med kviga til ho endeleg la seg ned og riene kom. ”No, men roleg i starten”. Og heldigvis, kalven kom den, og vi heldt han opp ned, til han hosta ut slim og fostervatn og vi såg at han kvikna til. Wenche smilte og lo, då ho såg livslysta i den svarte kvigekalven, og tenkte nok på sin eigen fødsel i mai.” He du mista lysta, du no då Wenche? spurde eg. ”Ne-hei, eg gler meg og ligg han feil vei som her, blir det keisarsnitt i Trondheim, enkelt og greitt.” Latteren til Wenche klukka mellom dei store kyrne, som alle verka fornøgde med livet etter å ha fått ein ekstra gaffel silo før kalvinga kom i gang.

Fødselen over for den eine…..

Randi Hoem- Myrå, fyller 85 år!

Leder — Sun, 07 Mar 2010 11:42:45 +0000

Kjære Randi.
Gratulerer med overstått. Vi er gla for å kunne ver med å feire deg i dag og det er like kosli kvar gong. Vi får høyre kor kjekt du synest det er å sjå oss og kor gla du er i oss og alle på Hoem. Så nemner du alle med namn.
Vi får høyre kor godt du og Kristen har det ilag og at dåkke framleis kan få bu heime. Så nemner du Åse, Håkon, Marie og Jan, kor snille dei er.
Aldri eit vondt ord mellom dykk. Dette seier du medan du sit inntil og held bestevenninna di Ingrid på Nylenda i handa. 2 gode hender som berre vil godt for alle og vi tenkjer: er dette dei to snillaste som finst i verda?

Så ser du på oss og smiler: Eg har laga kvar si skål med dessert åt dokker, de vil vel ha? Vi takkar sjølvsagt ja, slik som hundrevis andre før oss har gjort. Postmannen, dyrlegane, avløysarane, dokteren, seljarane, klauvskjærarane, heimehjelpa, snekkarane, elektrikarane, rørleggarane, brønnbårarane, sjåførane i : melkebilen, fiskebilen, dyretransporten, servicebilen, betongbilen, for å nemne nokre få. Berre ein gang opplevde du å få neitakk. ”Det var ein ung sjåfør i melkebilen, som kanskje trudde eg var ei rotkjærring” som du sjølv sei om den uvanlige hendinga engang på 80 talet.
Så er det alle vi naboane som får, kvar gang vi passerer kjøkkenvindauget ditt, eller når du og Kristen sit ute på balkongen i lett skygge under pæretreet. Du er ein solstråle i bygda vår, Randi og vi vil alle takke deg for det.
”God bedring” frå alle oss Hoemsballane.

Dei to bestevennindene hand i hand, Randi (t.h.) og Ingrid

Synfaring ved Hoemselva

Leder — Mon, 23 Nov 2009 10:03:36 +0000

Arne Johan Humberset, Astrid Buset og Erling Hoem ved elva

Mandag 16/11 fekk vi besøk av Astrid Buset, rådgjiver for næring og miljø i Gjemnes kommune, angåande søknaden vår om smil-midlar til vidareføring av kvernhus og bru prosjektet. Det er tidlegare gjeve tilskot til igjenoppbygging av brua på gamlevegen mellom Hoem og Varvik og restaureringa av kvernhuset og kvernkallen. Dette arbeidet blir ferdig til våren, så då passar det godt å få inn søknaden no, slik at vi kan ta til med del 2 av prosjektet: å lage nye trerenner, restaurere den 120 m lange åpne kanalen på elvebredda og mure ei vassførings-demning oppe i elva. Astrid viste stor interesse for Hoem Bygdelags arbeid med kulturstien i bygda, som i tillegg til kvernhuset og brua inneheld: Stort naust i Hoemsbukta frå 1700 talet og ein 4-roings geitbåt frå 1850 og garden Nylenda med stabbur og eldhus med bakaromn og arbeidsbenk ved vindauget, så vi har godt håp om fortsatt støtte frå kommunen vår.

Grillkåte

Leder — Wed, 04 Nov 2009 20:19:24 +0000

Oppistua i Kinna har fått ei ny trivselsbu, med flott utsikt mot Svanavollen og Reinsfjellet. Magne Kvalvåg er eigar og byggmester og har henta matrialene frå egen skog. Vindu og dører er også heimelaga og no manglar berre sprossene. Kvaliteten på arbeidet som er gjort, viser at Magne er ein dyktig og allsidig tømmrar/snekkar, som er glad i faget sitt.

Dugnad på Bakketun

Leder — Wed, 04 Nov 2009 19:40:49 +0000

3 ivrige kara, Ole og Tommy Karlsen og Torgeir Halle, har tatt på seg å bytte ut dei grøne takplatene over inngangspartiet med gråfarga pappshingel av typen ”telemark”. Så nok ein gong viser det seg at bygdefolket er lett å be til dugnadsarbeid på forsamlingshuset vårt.Takk til karane og til Raymond Årøe, som har sponsa med takrenner og beslag.

Basar på forsamlingshuset Bakketun, Hoem-Kvalvåg

Leder — Wed, 28 Oct 2009 20:23:04 +0000

Laurdag 7/11 kl 19.00 blir den årlige haustbasaren til inntekt for huset avholdt.
Vi håper som vanlig på fullt hus og god stemning i den koselige storsalen.
Jon Terje Ranheim skal underholde oss med musikalske perler på orgel
og sjølvsagt blir det 3-4 omganga m åresalg og loddbøker. Mange fine gevinsta har vi men tar gjerne imot fleire. Det blir gratis servering av sodd og kaffemat.

Velkomen

Hilsen styret Bakketun.